Pag-ibig ang mananaig kina Jericho Rosales, Yam Concepcion, Yen Santos, at Sam Milby sa pagtatapos ng “Halik”

Alamin ang kahihinatnan ng mga karakter nina Lino, Jade, Jacky, at Ace sa pagtatpos ng “Halik”, na mayroong streaming ang huling episode sa April 26 via TFC Online (www.TFC.tv)

Mas matindi at mas palaban ang magiging tapatan nina Lino (Jericho Rosales), Jade (Yam Concepcion), Jacky (Yen Santos), at Ace (Sam Milby) ngayong pagdaraanan na nila ang pinakamatitinding hamon na pilit maglalayo sa kanila sa pagmamahal at karapatang kanilang inaasam sa huling natitirang episodes ng teleseryeng “Halik”, na napapanood sa karamihan ng mga bansa sa labas ng Pilipinas via TFC, na mayroong streaming ang final episode sa April 26 via TFC Online (www.TFC.tv).

Patuloy ngang panggi-gigilan ng mga manonood ang mga kaganapan dahil sa kasamaan nina Ace at Jade, na parehong gagawin ang lahat para makatakas mula sa batas at mailayo si baby CJ mula kay Lino. Ang pagmamahal naman sa anak ang gagamiting sandata ni Lino para mabawi si baby CJ at makakatulong niya rito si Jacky, na patuloy ding ibibigay ang suporta niya hanggang sa huli.

Ngunit buhay ang maaaring maging kapalit ng kanilang tapatan dahil parehong malalagay sa bingit ng kamatayan sina Jade at Jacky, na dahilan naman para magbago ang daang tatahakin ni Lino para makuha ang hustisyang inaasam. Pero sa kabila ng mga buhay na posibleng mawala, ipagpapatuloy pa rin ni Ace ang kasakiman at sisiguraduhing makaganti kay Lino gamit sina Jade, Jacky at anak nitong si CJ.

Sino nga kaya ang magwawagi sa laban nila? Kanino nga kaya nila ibibigay ang kanilang huling halik?

Samantala, maituturing ngang isa sa pinakapinag-usapang serye ang “Halik” na hinahangaan din ng marami dahil sa mga aral na hatid ng bawat karakter. Kinabiliban si Lino dahil sa kaniyang dedikasyong gawin ang tama at maging ama para sa kaniyang anak. Nagpakita naman ng katapangan si Jacky at pinatunayang kaya rin ng mga babaeng ipaglaban ang kanilang sarili.

Bagama’t masama sa tingin ng iba, nagpakita ng katatgan si Jade bilang isang ina na handang isakripisyo ang sarili para sa kaniyang anak. Ang buhay naman ni Ace ang patunay na may kapalit ang lahat ng kasakiman at mas maiging gumawa ng kabutihan para makuha ang tunay na kaligayahan.

Bukod sa tinututukan ito sa karamihan ng mga ansa sa mundo via TFC, umabot na rin sa Africa ang kuwento nina Lino, Jade, Jacky, at Ace dahil napapanood na rin ang “Halik” sa Tanzania mula noong Pebrero.

Huwag palagpasin ang kapana-panabik na pagtatapos ng “Halik” na mapapanood sa karamihan ng mga bansa sa mundo via TFC. Mayroong streaming ang huling episode ng programa kasabay ng local airing nito via TFC Online (www.TFC.tv) sa April 26 sa ganap na 9:15 p.m. (Manila time).

Maaarin rin balikan ang mga nagdaang episodes via TFC Online (www.TFC.tv) at TFC IPTV sa karamihan ng mga bansa sa mundo.

Para sa updates tungkol sa TFC shows, bisitahin ang TFC Facebook page na angkop sa inyong kinaroroonan. Maki-connect sa kapwa global Kapamilyas at i-follow ang @KapamilyaTFC at KapamilyaGlobalPR sa Twitter at Instagram.

Katapatan nina Jericho Rosales, Yen Santos, Sam Milby at Yam Concepcion susubukin sa “Halik”

Tunghayan kung paanong babaguhin ng panahon, pag-ibig, at kasinungalingan ang kanilang mga buhay sa seryeng “Halik”,

na may streaming ang pilot episode via TFC online (www.TFC.tv)

Isang panibagong kuwento ng pag-ibig ang dapat abangan mula sa ABS-CBN, ang “Halik”, kung saan ang isang wagas na pagmamahalan ay susubukin ng panahon at ng tukso. Pinangungunahan ito nina Jericho Rosales at Yen Santos, na mapapanood sa labas ng Pilipinas via The Filipino Channel (TFC), na mayroong livestream ang pilot episode sa karamihan ng mga bansa worldwide sa August 13 (Manila Time).

Political whodunit “Magtanggol” champions the welfare of hardworking yet often abused OFWs

Investment banker Jojo Dispo doesn’t consider his initial foray into scripting and producing a movie a gamble. “Magtanggol,” the first offering of Felix and Bert Film Productions, is an undertaking fueled by passion and compassion.

Directed by Sigfreid Barros Sanchez and conceptualized by Jojo Dispo, “Magtanggol” tackles the issue of abuses committed against Overseas Filipino Workers (OFWs) by their employers. “I’ve traveled to a lot of places with high concentration of OFWs,” Dispo discloses. “I’ve talked to many ambassadors around the world about them, have had first hand exposure with many OFWs. I’ve heard their stories. I want to help.”

“Magtanggol” dares to ask the question “Sino ang bayani ng mga bagong bayani?”