“MY BINONDO GIRL: THE DRAGON FINALE,” KAABANG-ABANG

Tutukan hanggang katapusan ang teleseryeng laging ‘trending’ sa puso ng sambayanan…


Nalalapit na ang pagtatapos ng top-rating Primetime Bida teleseryeng “My Binondo Girl” at sa huling linggo nito, asahan ang isang ‘Dragon Finale’ na puno ng mga rebelasyon at mga nakakikilig na eksena, lalo na mula sa mga bida nitong sina Kim Chiu at Xian Lim.


Sa sunod-sunod na magagandang kaganapan sa buhay nila Jade (Kim) at Andy (Xian), at Zeny (AiAi delas Alas) at Papa Chen (Richard Yap), may hahadlang pa kaya sa kani-kanilang mga relasyon? Matuloy na nga kaya ang ‘Jandy wedding’ o pipigilan ito ng isang trahedyang magpapaluha sa lahat?


Tutukan hanggang sa huli ang mga hindi malilimutang mga karakter nina Matteo Guidicelli, Cherry Pie Picache, Gina Pareño, Ricardo Cepeda, Laureen Uy, Marina Benepayo, Eda Nolan, David Chua, Gillet Sandico, at Simon Ibarra. Ang “My Binondo Girl” ay sa ilaim ng direksyon nina Malu Sevilla at Francis Xavier Pasion.


Huwag palampasin ang huling linggo ng “My Binondo Girl,” gabi-gabi mula Enero 16 hanggang 20, pagkatapos ng “Budoy” sa ABS-CBN. Para sa karagdagang updates, mag-log on sa http://mybinondogirl.abs-cbn.com/, sundan @my_binondogirl sa Twitter at i-‘like’ ang www.facebook.com/abs.mybinondogirl.

FOLLOW THAT STAR: Ruby Rodriguez

Araw-araw natin siyang napapanood sa longest-running television show na Eat Bulaga. Pagdating sa pagpapatawa at hosting, pasok ang style niya sa masa kaya naman labinlimang taon na siyang Dabarkads.


Ngayong Sabado sa Follow That Star, kilalanin si Ruby Rodriguez sa harap at likod ng camera.  Bubuksan ni Ruby ang kanyang cute na retro house, kolektor kasi siya ng mga antique na gamit.  Sa bahay, hilig din ni Ruby ang pagtatanim ng mga halaman.  Ito raw ang paraan niya para magrelax. Kapag wala naming  taping, sinisigurado rin niya na may bonding siya at ng kanyang asawa kasama ang tatlo niyang anak. 

Tinutukan ng Follow That Star si Ruby mula bahay, taping hanggang sa kanyang  mga personal na lakad.  Lahat ng kanyang kakulitan, huling-huli ng camera; kasama ang kanyang pamilya pati na sina Tito, Vic & Joey at lahat ng Dabarkads.  Ang katrabahong si  Allan K daw ang matalik na kaibigan ni Ruby kaya naman hindi niya pinalampas na dumalo  sa birthday ng kaibigan.


Sundan ang kwelang buhay ni Ruby Rodriguez sa Follow That Star, Sabado, 7:55 PM sa GMA News TV.

FRONT ROW presents “PAG-AHON SA PUTIK”

Isa sa pinakamapinsalang bagyong naranasan ng Pilipinas sa kasaysayan ang Bagyong Sendong. Mahigit isang libo ang nasawi, libu-libo ang nawalan ng tahanan at kabuhayan, milyun-milyon ang halaga ng pinsalang iniwan.

Tatlong linggo mula nang maganap ang trahedya, bakas pa rin ang matinding epektong dulot ni Sendong. 

Marami pa ang hindi natatagpuan ang kanilang mga kaanak.  Libu-libo ang parang sardinas na nagsisiksikan sa mga evacuation center at hindi malaman kung saan at paano muling sisimulan ang kanilang buhay.