Abangan ang pambihirang performance na inihanda ng Dance Royalty para sa mga overseas Filipinos sa Taiwan
Doble ang kasiyahang dala ng The Filipino Channel (TFC) sa gaganapin na “Kapamilya Playoffs in Taiwan”, dahil bukod sa all-star basketball team lineup, isang pambihirang pagtatanghal din ang hatid ni Maja Salvador sa half-time break, na mapapanood sa November 18 sa Fengyuan District Stadium, Taichung, Taiwan.
Sisimulan ang “Kapamilya Playoffs in Taiwan” ng laban sa pagitan ng mga champion teams mula sa RJD Basketball League at Tai-Phil Basketball League.
Ang mananalong team sa first game ang siyang makakaharap ng Star Magic team na binubuo nina Gerald Anderson, JC De Vera, Ronnie Alonte, Vin Abrenica, Axel Torres, Zeus Collins, Jimboy Martin, JV Kapunan, Jose Sarasola, at Gerard Acao.
.jpg)
