Naitanong na din ni Tori, na ginagampanan ni Kim Chiu sa bagong movie series na Must Date The Playboy, ang tanong na kinailangan niyang itanong kay Zach, na ginagampanan naman ni Xian Lim: Can I be your girlfriend?
Plano ito lahat ni Chloe, ang character ni Jessy Mendiola. Gusto ni Chloe na i-date ng kanyang best friend na si Tori ang playboy na si Zach.
Dahil best friends sila mula pa nung bata pa sila, marami nang pinagdaanan sina Tori and Chloe, at gagawin nila ang lahat para matulungan ang isa’t isa. Sa Must Date The Playboy, humingi ng tulong si Chloe kay Tori para maturuan ng leksiyon si Zach.
Minsan may mga bagay talaga na ginagawa ang mag-best friends para sa isa’t isa, tulad ng pagtago ng mga bagay bagay sa mga magulang, teacher, o ibang kaibagan. Paano kung humiling ang best friend mo ng isang bagay na hindi ka nagkaroon o isang bagay na hindi mo pa nagagawa kailanman?
