Mas maraming Pilipino ang makakahanap ng trabaho sa "Trabahanap," ang bagong serbisyong pampubliko ng ABS-CBN na naghahatid ng job openings sa construction, factory, fastfood center, at marami pa.
"Dahil sa Trabahanap maisasakatuparan ang layunin ng ABS-CBN na magdala ng serbisyo sa Pilipino dahil makakatulong ito sa maraming taong naghahanap ng trabaho," sabi ni Mark Awiten, ang head ng Trabahanap at CineMo channel.
Ang job placement service na ito ay matatagpuan sa sarili nitong website, sa CineMo Channel, sa INFOPIus ng ABS-CBN TVplus, at sa mga job fair.
