CHA-CHA CAÑETE, IPAPAKITA ANG KANYANG WCOPA AWARD-WINNING TALENT SA “GOIN’ BULILIT” NGAYONG LINGGO

Kakapanalo pa lamang ng child star na si Cha-Cha Cañete ng dalawang medalyang kanyang nakamit sa 2013 World Championship of Performing Arts (WCOPA) at ngayong Linggo (Agosto 11), ihahatid niya sa mga televiewer ang isang nakakatuwang musical performance sa sikat na kiddie gag show na “Goin’ Bulilit”.

Kakanta at sasayaw si Cha-Cha sa groovy na kantang “Let’s Dance”, at siguradong mapapangiti at matutuwa ang lahat sa kanyang ibang klaseng charm na dinala niya sa entablado noong nag-compete siya sa WCOPA sa Hollywood, California. Magiging mas masaya pa ang musical number ngayong Linggo lalo na’t makakasama pa ni Cha-Cha ang kanyang mga co-child star na mga bata ng “Goin’ Bulilit” para ihatid ang isang napakagaling at napaka-cute na performance. Ipapakita ng mga “Goin’ Bulilit” kids ngayong Linggo na

talagang world-class ang mahahatid na talento ng mga batang Pilipino.

Huwag palampasin ang musical performance ni Cha-Cha at ng mga kids ng number one kiddie gag show na “Goin’ Bulilit” ngayong Linggo (Agosto 11), na eere sa ABS-CBN Channel 2 pagkatapos ng “TV Patrol Weekend”.