Andrea, Kyle, Juan Karlos, Elijah, Zaijan, Xriel Bida Sa Bagong Primetime Series Ng ABS-CBN at iWantTVTFC

“Senior High” ang bagong coming-of-age Kapamilya primetime series na pagbibidahan nina Andrea Brillantes, Kyle Echarri, Juan Karlos, Elijah Canlas, Zaijian Jaranilla, Xyriel Manabat, Daniela Stranner, Miggy Jimenez, Tommy Alejandrino, at Gela Atayde. Makakasama nila ang veteran actors tulad nina Angel Aquino, Baron Geisler, Mon Confiado, at Sylvia Sanchez, kasama sina Desiree Del Valle, Kean Cipriano, Ana Abad Santos, Gerald Madrid, Inka Magnaye, Angeli Bayani, Ryan Eigenmann, Rans Rifol, Rap Robes, Kakki Teodoro, at Floyd Tena. Handog ng ABS-CBN Entertainment at iWantTFC ang isang Dreamscape Entertainment production, “Senior High,” simula Agosto 28 ng 9:30 PM sa Kapamilya Channel, Kapamilya Online Live, A2Z, TV5, iWantTFC, at TFC.

Janine, Relatable Ang Bagong Single Na “PAGOD NA AKO”

Unang collab kasama si Juan Karlos Labajo bilang producer

May paalala si Janine Berdin sa halaga ng pagpapahinga sa harap ng kabi-kabilang problema sa buhay sa pinakabago niyang single na “Pagod Na Ako” mula sa Star Music.

Ani Janine, habang sinusulat niya ang kanta, gusto niyang ipaalala sa sarili niya na ayos lang na mapagod at na mas lalala ang pinagdadaanan niya kung hindi niya aamining nahihirapan na siya.

Ipinrodyus ng “The Voice Kids” alum na si Juan Karlos Labajo ang “Pagod Na Ako,” na tungkol sa emosyon ng isang tao na para bang nauupos na. Pero meron din itong mahalagang mensahe tungkol sa pagyakap sa hindi pagiging okay.